Manifestacija “Palo asape” saji nakahvelpe ando projekto “Jekhutnipe ando sićope” inćardape ando Fundosko sikavno than „Boško Pakovljević- Pinki“. Foro Sremska Mitrovica thaj Kancelarija pale manušikane thaj minoritane orte katar e Vlada Republikaći dine e love te inćarelpe kaja manifestacija.
Maškaripe palo ekonomikano vazdipe e Rromengo (CEUR) ando khuvdipe e ćidimatenca “Solidarnost” thaj “Čhavrrikano them” nakhada e manifestacija palo asape ando Manifestacija ćerdape pale majterne sikamne ando Fundosko sikavno than „ projekto “Jekhutnipe ando sićope”.
Kamlipe projektosko si te lel kotor majbaro đindo čhavorrengo andar e averčhande nacionalne ćidimata. Manifestacija therda lovengo inćaripe katar e e Kancelarija pale manušikane thaj minoritane orte katar e Vlada Republikaći Srbijaći thaj katar o Foro Sremska Mitrovica.
Ilija Nedić, šerutno po Forosko ortuipe palo sićope, kultura tho sporto naisarda savorrenđe save line kotor ando kavo projekto thaj mothoda: “Ando ađesko programo ande savo šaj te dićhenpe amalimašće ćhelimata, đilabimašća thaj bašalimašće kotora thaj aver šukar sikadimata sija šaipe te e čhavorra prdal ćhelipe thaj đilja haćarenpe mišto thaj šukar, te haćaren kaj si civilno sektori savo ažutil te o sićope vazdelpe thaj buhljarelpe o sićope. Naisaras savorrenđe save ažutin te amare čhavorra theren so majlačho sićope vi neformalno“.
Ando Fundosko sikavno than „Boško Palkovljević Pinki“ program savo del inćaripe pale sikamne nakhavel Forosko ortuipe palo sićope, kultura tho sporto, Ćidipe forutnengo CEUR, Ćidipe pale animatorja Keti, Ćidipe forutnengo Solidarnost thaj Ćidipe fortunengo Čhavrrikano asape.
Maškaripe palo ekonomikano vazdipe si bigavermentosko thaj biprofitosko ćidipe, fundosajlo 2011. bršesko te čačarenpe kamlimata ando ekonomikano vazdipe Rromengo thaj Rromnjengo ando amalipe prdal o buhljaripe katar o kulturako, socijalno thaj aver potencijaluja rromane ćidimasko, thaj gajda te čačarenpe kondicije te kava ćidipe jekhtune lel kotor ando amalipe. Kamlipe kale projektosko si te ćerelpe thaj barvarelpe interkulturako ćidipe prdal averčhande bućarimata save nakhavenpe prdal kava projekto.
Slađana Teodorović, šerutni po Ortuimasko ćidipe CEUR – Maškaripe palo ekonomikano vazdipe e Rromengo inkalel kaj lenđi bući si nakhaven buća save anena džike godova te e čhavorra andar e sa e nacionalne ćidimata, majanglal majterne sikamne andar o Fundosko sikavno than „Boško Palkovljević Pinki“. “Projekto inćarelpe kamlimava te ćidas sa e čhavorra andar kava sikavno than thaj te ketane aresas džiko agor katar o fundosko sićope. Amaro projekto naj numa kaja manifestacija, amari bući si te das sa amendar te čhavorra sar rromane gajda vi kola saje naj Rroma len kotor ando sićimasko proceso thaj gajda te majloće agorisaren fundošće sikavne thana thaj te majloće ramonpe ande maškarutne sikavne thana thaj te mišto agorisaren len“.
Čorrpe thaj socijalno bidikhlipe si baro pharipe pale čhavorra thaj lenđe familije. Čhavorra save bajron ando čorrpe den ando abjava anglal no so pheren 18 brša thaj aven e deja thaj dada katar e neve čorre čhavorra. E čhavorra save si pe droma si ando pharipe andar godova kaj pe lenđe šaj te ćerelpe bilačhipe, ćin-bićinipe, ačhen bi sastimasko thaj socijalno arakhadipe thaj naj čhutine ando sićimasko sistemo. Nakhavipe kale pharimatengo rodel khuvdipe sa e kotorengo ando lokalosko ćidipe. Prdal kava projekto teljardam e inicijativa palo arlipe gajda kaj ćerasa averčhande buća te o ćidipe lel ando gndo kaj trubul te nakhavenpe e liparde arlimata andar godova kaj gajda šaj te areselpe majlačho trajo”, mothoda o Teodorović.
Ando kava maladipe line kotor vi o ćidipe animatorengo Keti thaj sićimasko than palo intelektualno buhljaripe čhavorresko Brain o brain thaj Malac genijalac. Programo učharda đilabimasko thaj bašalimasko kotor, teatrosko sikadipe thaj sportošće ćhelimata.
Lenka Alinpić, sikamni pandžte klasosko ando “Pinkijesko” sikavno than lija kotor ande manifestacija thaj vaćarda: “Me lijem kotor andar godova kaj kamav te đilabav, sima but amala thaj kamav savorrenca te avav ando mištipe thaj šukaripe. Savorrenđe kamav te mothav kaj o đilabipe tho bašalipe si vareso majšukar thaj savorra šaj te haćarenpe šukar.
Pindžaripe tho haćaripe pharimatengo si o drom palo ćerdipe katar o interkulturalosko ćidipe thaj nakhavipe pindžarde pharimatengo. Paše kaja manifestacija, ćerenape vi e vizite ande sikavne thana te šaj araćhenpe inkljistipe pale kola čhavorra saje či aven sajekh đes po sićope te majloće nakhaven le. Kava brš CEUR ažutisarda te biš rromane čhavorra nakhaven o anglalsićope palo agorutne phučimata thaj ramosarenpe ande maškarutne sikavne thana save kamen.
Slađana Teodorović
* Projekat „Romi Vojvođani“ sufinansiran je od strane Pokrajinskog sekretarijata za kulturu, javno informisanje i odnose s verskim zajednicama. Stavovi izneti u podržanom medijskom projektu nužno ne izražavaju stavove organa koji je dodelio sredstva.
Leave a Reply