История Руснацох у Сримскей Митровици

Руснаци ше до Сриму насельовали ище концом  XVIII вику , а интензивнєйше на початку XIX вику.

Руснаци другей миґрациї приходза до Сриму сто роки познеєйше, односно у чаше од 1848. по 1880 рок зоз Бескидох и сиверозаходних Карпатох.

Митровицки Руснаци, тиж з найвекшей часци з околних местох Бардейова.

Спрам попису  зоз 1857.року у Митровици було 419 Руснацох, а векше присельованє було медзи 1869.и 1871. роком, а потим 1880.року, як и медзи 1895. И 1899.роком.

Фамелийни презвиска приселєнцох були: Беднар, Бережнї, Бесерменї, Бобалїк, Блашчак, Ванчик, Велики, Ходоба, Димитришин , Еделински, Ерделї, Желем, Яношко, Яшчур,Колесник, Колтко,Кечкеш,  Кост, Корим , Куруц, Лабаш, Лабовски, Ломпар, Манько, Мафтей,Михалько, Олеяр, Петрень, Потоцки, Прокоп, Рац, Роман, Рохаль, Русин, Стеранко, Страценски, Федорш, Ференц, Фечко, Шевчик, Ганчовски, Гарди, Ґрабаня, Цундра, Червеняк, Джмура, Джуня, Шевчик, Штефански и др…

Руснаци били худобни, робели як наднїчаре, югаше , косаче ( пажицох)….

Медзитим , як шпоровни, вредни, ценєни польопривредни роботнїки, нєодлуга почали куповац жем, а попри тим часц Руснаци ше , уж на початку XX вику, почали занїмац з рижнима ремеслами, тишлїре, млїнаре, кломфере, ципеларе, скравци….

Руснаци були грекокатолїки, ище у старим краю.

Зоз приходом до Митровици  нє мали своїх священїкох по снованя парохиї 1886 року.

Грекокатолїцку парохию у Митровици основал владика кир Илия Хранилович 1886 .року, а перши парох бул о.Максимилиян Релїч.

Будованє церкви почало 10.септембра 1905 .року, а закончена у априлу 1906.року,  пошвецена є 1. Юния истого року на Вознесениє Господа Исуса Христа.

Руснаци у Митровици направели свой теметов на жеми хтору им подаровал парохиян Михалько.

На руским теметова ше находзи и каплїца Покрова Пресвятей Богородици хтору закончел  руски парохиян  Теодор Ференц зоз Митровици.

У каплїци похована Ференцова фамелия и нашлїднїки.

Руснаци у Сримскей Митровици по приселєню посилали свойо дзеци до державних школох, а и сами научели язик старобивательох, так же вецей нє бешедовали по руски.

Руска заєднїца зачувала ше як народ, алє з векшей часци забули свой мацерински руски язик.

Заключно зоз 1906.роком, спрам местох народзеня, призначуєме и шлїдуюци презвиска:

Место       –   Презвиско

Ґерлахов:     Беднар;

Ґрадишов:   Ковалчук;

Климовка :   Ховански;

Криве:            Гудак, Лазор;

Криже:           Михалько;

Кружльов :     Цидилко, Хованец, Жмура;

Куров:             Пеняшкович, Олеар, Шевчик;

Луков:             Блашчак, Балащак, Бобалїк;

Новица:          Ференц, Колтко;

Питрова:         Федорш, Ханчовски, Петрень;

Ропице Руске: Желем;

Снаков :          Волчко;

Популация Руснацох у Митровици и околини постої вецей як 170 роки и зоз свою роботу и розличнима дїялносцима заберали и забераю значне место.

Владимир Балащак

*реализацију пројекта „Руснаци зоз Войводини“ помогло Министарство културе и информисања Републике Србије. Ставови изнети у подржаном медијском пројекту нужно не изражавају ставове органа који је доделио средства.