Дзеци науча бешедовац по руски

Руски язик ше найвецей хаснує у заходней України, у Словацкей, Мадярскей, Польскей, Румуниї, алє ше бешедує и у САД, Австралиї и Канади. Руски язик ше бешедує и у Горватскей и Сербиї, дзе у Войводини у дапоєдним местох ше хаснує и як мацерински язик.

Же би ше нє забул руски язик , Руснаци у Сриме, точнєйше у Сримскей Митровици маю факултативни годзини руского язика котри отримує Нада Колєсар Адамович у основней школи „Йован Попович“.

Нада Колєсар Адамович наставнїца музичного воспитаня у Сримскей Митровици, народзена 17. фебруара 1944. року у Бачинцох у рускей фамелиї. До основней школи ходзела у Бачинцох а закончела ю у Сримскей Митровици.

Нада походзи зоз познатей Колєсаровей фамелиї у Бачинцох. Вона талантована и музично анґажована, закончела штредню музичну школу у Новим Садзе. У Шидзе руководзела зоз школским хором, дзе з нїм увежбовала и руски и хорски шпиванки.

Нада участвовала зоз венцом руских шпиванкох на манифестациї „Червене папуче“ хторе ше отримовало у рамикох Фестивалу култури „Червена ружа“ у Руским Керестуре. Нада тераз активно учи дзеци руски язик и руски писнї.

Вериме же дзеци науча бешедовац по руски и же нїґда нє забудзу свой
мацерински язик. Дзеци наша вира и можлївосц же би зме отримовали руски язик.

Пројекат „Руснаци зоз Сриму – Русини из Срема“ подржан је од стране Покрајинског секретаријата за културу, јавно информисање и односе с верским заједницама. Ставови изнети у подржаном медијској пројекту нужно не изражавају ставе органа који је доделио средства.