МАЙСКЕ ДРЕВО МАЙСКЕ ДРЕВО
Постої єден обичай,  то валянє майского древа, котри од першей половки 19. вику чуваю лєм Руснаци у Бикич Долу. Попри кирбаю ( швето у... МАЙСКЕ ДРЕВО

Постої єден обичай,  то валянє майского древа, котри од першей половки 19. вику чуваю лєм Руснаци у Бикич Долу.

Попри кирбаю ( швето у местох  дзе жию Руснаци ), найвекше швето праве тот обичай.

 Руснаци зоз Бикич Долу  по тим обичаю єдинствени у швеце.

30. априла кед ше змерка, садзи ше майске древо же би ше дочекал ютредзень 1.май, прето ше и вола майске древо.

Валя ше на Русадля. Тот обичай означуе радосц и вешелє. На древо ше виша вино и  палєнка. Украшує шє  зоз  пантлїками и ручнїками же би древо було оквицене зоз цо рижнороднєйшима фарбами  а рок бул родни.

Тот обичай  источашнє и нагода же  би  ше русалком указала  чесц и почитованє  и достала їх прихильносц , добра дзека и защита.

 Майске древо ше дакеди садзело и валяло пред обисцом дзивки за одай, а нєшка пред будинком дома култури зоз провадзеньом тамбурашох и войводянскима и рускима писнями и танцом.

У давних часох, кед дзивка пришол час за одаванку и ма леґиня, покрадзме,   же би ше нє знало, сциха под защиту ноци,  леґинє древо  садзели пред дзивоцким обисцом.

Кед пришол час за валянє древа, дзивка випекала колачи и порихтала напой, виношела их  опрез хижи и вислуговала  покля ше  нє  почало валяц  майске древо.

Дзивков леґинь перши брал шекеру и рушал валяц и рубац  майске древо, и так указовал хто од позбераних  хлапцох любов тей дзивки.

Од того сказковитого обичаю настала и єдинствена традицийна  манифестация зоз веселу писню и танцом «Валянє майского древа» у Бикич Долу, котра  чува тот обичай, котри источашнє  наявює приход лєта.

Тот стародавни обряд  Руснаци принєсли   пред  двома  виками, зоз миґрацию  до войводянских крайох и предлужели го пестовац  и нєшка, чуваюци свою богату традицию карпатского краю.

Владимир Балашћак

Превод на русински Јелена Перковић

*реализацију пројекта „Руснаци зоз Войводини“ помогло Министарство културе и информисања Републике Србије. Ставови изнети у подржаном медијском пројекту нужно не изражавају ставове органа који је доделио средства.

Nema još komentara.

Budite prvi koji ćete ostaviti komentar.

Odgovori

Your email address will not be published. Required fields are marked *


*

Skip to toolbar